الرجاء الدخول واعطاء رأيكم بصراحه........

حاب احكيلكم قصه صارت معي اول يوم في العيد وحاب اسمع لو كنتم محلي شو كنتم تعملوا او كيف تتصرفوا او صار معكم هيك موقف لا سمح الله.............

طبعا في البدايه كنا قاعدين في كوفي شوب عنا في المنطقه ومحتارين وين بدنا نطلع.... والمشكله كانت في المواصلات.... المهم احنا عندنا سياره بس كان اخوي بدو يطلع فيها المهم غير رأيوا وبطل يطلع فيها وهاي فرصه اخذت السياره.... وبعد ما اخذت السياره رحت عالشباب طبعا اولهم صاحبي منذ الطفوله واسمه مؤمن والتاني برضو صاحبي من الطفوله واسمو مصطفى والتالت برضو صاحبي العزيز اسمو منير-توجيهي السنه- وانا اسمي احمد ما علينا حكينا بدنا نروح اول اشي نتغدا طبعا كانت الساعه 6 المسا وهاي فرحة العيد ما حد بتغدا في البيت المهم والله طلعنا ومشت امورنا وتغدينا وبعدين وبعد تفكير عميق قررنا نروح على شارع الوكالات ويا ريتنا ما رحنا على هالشارع........ المهم وصلنا هناك عالساعه 8 مشينا شوي شفنا صحابنا هناك وصارت 10 طوشات ووحده منهم كانت مع اصحابنا اللي لقيناهم هناك ما علينا قررنا انو بدنا نصف مع اصحابنا ضدهم و قبل ما نشوف شو المشكله كنت انا ومنير ومصطفى زحمانين كتير وهناك ما في حمامات..... وين بدنا نروح شو نعمل انا حكيتلهم خلينا نروح عند الكراجات محل ما صفينا السياره حكولي لا هناك بعيده المسافه والله دخلنا هيك دخله مقابل قهوة ستار بكس المهم مشينا لفوق شوي طبعا انا ومصطفى ومنير ولقينا عماره عظم - يعني عماره تحت الانشاء- والعماره كانت مظلمه قلنا احسن مكان نفرغ فيه طاقاتنا :shy: ما علينا المهم مصطفى خاف يدخل معنا لانو حكى انو المكان عتمه كتير وما راح انشوف اشي وكان كلامه صحيح لانو لو مديت اصبعك قدامك ما راح تشوفه المهم هو راح وعملها ورا العامود والله احنا ما ردينا عليه ودخلنا العماره وطلعنا اول درجتين لقينا باب قدامنا طبعا مو محل باب - يعني ما في باب بس مدخل- المهم منير كان ماشي قدامي والباب من جو اسوووووود قلنا اكيد هاد باب شقه خلينا ندخل فيه المهم اللي دخل اول واحد هو منير و وقع لتحت مسافة طابقين كاملات... انا صعقت وقفت محلي بطلت اعرف اتحرك.....منير وقع مسافه كبييره انا قلت الولد راح فيها اكيد اتكسر وطلعت بره العمارة متل المجنون ماسك التلفون وحاطه على اذني ومش برن على حدا وباعلى صوتي اصرخ منير وقع وتكسر من 2 طابق اجا علي مصطفى متل المجنون وقلي منير شو مالوا قلتلوا وقع من الباب لتحت طبعا منير كان يصرخ من الالم واحنا لحد الان مش عارفين على شو وقع المهم راح ركض عليه مصطفى واجوا شباب تانيين علينا على الصوت لانو انا صرت اصرخ باعلى صوتي زي المجنون المهم ما لحقت بدي ارجع عليهم الا واسمع صوت مصطفى بصرخ وبقول الحقوني ولا يا حبيبي الاخ مستعجل على انقاذه راح نط وراه من الطابق الاول ووقع على منير...... طبعا مصطفى وقع عليه لانو مش شايفين اشي قدامنا المهم انزلت وراهم بس كان معي ضو الفلاش تبع التلفون طبعا الباب اللي وقع منو كان باب مصعد تبع العماره المهم ضربت تلفون على مؤمن واجا .. نزلت انا وشبين وطلعنا منير ومصطفى ما صار فيه اشي لانو وقع على منير - الله ستره- المهم رفعناهم وتعرفوا مين الشبين اللي نزلوا معاي علشان نطلعهم هم نفسهم اللي كنا بدنا نعمل الطوشه معهم واصحابنا اللي لقيناهم هناك كانوا قاعدين بطلعوا ولا عملوا اشي .......... المهم انا رحت زي المجنون عالسياره والله 3 دقايق وانا قاعد ادخل المفتاح بالباب ومش عارف من الخوف .... اجيت عليهم بالسياره طبعا كان منير شبه واعي ومصطفى ايده كانت بتوجعو بس المهم بدي اوصلهم للمستشفى ولا دخلت على مكان بالغلط كان مسكر وبعد ما هيك بدي اطلع من الصويفيه حكالي مؤمن وقف منير ما في اشي المهم انا وقفت وصفيت ونزلنا من السياره قعدنا نحكي معاه شوي وغسلنا وجهه وقمنا الدم عنه وقال انو ما فيه اشي انا هيك انتهزت الفرصه وكنت زحمان ورحت ورا السياره المهم عملتها وانا راجع بطلع على عجل السياره ولا يا حبيبي العجل بنشر واللي زادها كمان منير تعب وحكى وصلوني عالمستشفى!!!!!! والله عالسريع بدنا نركب العجل السبير - الاحتياطي- المهم ولا مؤمن برن على اخوه وصحاب اخوه طبعا هم اكبر منا بسنه وحكالهم شو صار معنا المهم خلال 10 دقايق كانوا عنا واخدوه عالمستشفى وضليت انا ومصطفى وغيرنا العجل ولحقناهم ... وهناك صوروه بالاشعه والحمدلله ما طلع في اشي بس رضوض بضهره وكسر خفيف بايده وبس وروحنا والحمدلله انو ما وقع على سيخ حديد ولا على راسه كان ابتلشنا والحمدلله وزي ما بحكوا يا فرحه ما تمت.....

وهاي صارت معي القصه اول ايام عيد الفطر المبارك بتاريخ ما راح انساه طول عمري وهو
12/10/2007
وان شاء الله اسمع ردودكم.....

حلو كتييييييير يسمنوا
بس انا شايف انو المنتدى صار دفتر مذكرات ولا شو رأيك

bnestantej mn hai elo99a enno elcamera ta3et talafonak momtazeh!!!!!
yallah 3laleeleh 6l3t barra elbeit bhal 3eed!!!!!

الزعيم كتب:: حلو كتييييييير يسمنوا
بس انا شايف انو المنتدى صار دفتر مذكرات ولا شو رأيك

شو بدك تعمل انا ما بدخل غير على منتدى الترفيه

leh mr. motwade3 3ala rasak reshah?

3njad ya3ni foot 3la ba2i elforums fee kteer sha'3lat 7elweh!!!!!
foot 3l english forum kteer fee sha3'lat!!!!

henno ma bazon!!!!l

???eish ma betzonni
!!!!ya3ni el english forum msh 7eloo

no asdi eno ma bazon eno ye3jebo

lulu_9 كتب:: no asdi eno ma bazon eno ye3jebo

لأ لأ لأ لأ...... انا للي بعجبوا........... شو شايفها صارت احزاب ضدي!!!

sorry

looooooooooooooooool

شكلو لكي عجبو الموضوع

lulu_9 كتب:: شكلو لكي عجبو الموضوع

شو قصدك يعني الموضوع مو عاجبك؟؟؟؟؟؟

له له طولوا بالكم الموضوع حلو كتيييييير
وفكرته عجبتني

آه الفكرة حلوة بس غريبة شوي صح؟؟؟؟؟؟ Neutral

لا حلوه كتيييييير

hani كتب:: آه الفكرة حلوة بس غريبة شوي صح؟؟؟؟؟؟

والله امرك عجيب......... انت اللي غريب يا وحداني!!!!!

مووووووووووووووووووووو وحداني!!!!!! Evil or Very Mad

hiiiiiiiiiiiiiiiiii

solange26 كتب:: hiiiiiiiiiiiiiiiiii

hiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiien

هلاااااااااااااااااااااااااا